Framandstoff i villfisk i 2016 - sjømat frå Årdalsfjorden
I samband med overvakingsprogrammet Forureining i hamner og fjordar er skjel, krabbe og fisk i Årdalsfjorden i Sogn og Fjordane undersøkt. Resultata viser at nivå av miljøgifter i sjømat har gått ned, men at dei framleis er høge - særleg inst i fjorden.
- Kva blei undersøkt?
Krabbe, blåskjel, brosme, torsk og flyndre.
- Tidsrom
- 1. januar til 31. desember 2016
- Kva leita vi etter?
Arsen, bly, kadmium, kvikksølv, dioksin, furanar, PCB-ar, bromerte flammehemmarar, PFAS-ar, PAH-ar og pesticid
- Kva fann vi?
- Skjel inst i fjorden er veldig forureina av miljøgifta polyaromatiske hydrokarboner (PAH), men mindre enn tidlegare.
- Nivåa av miljøgifter er lågare lenger ut i fjorden.
- Lite kvikksølv i torskefilet, flyndrefilet og krabbe.
- I blåskjel og i klokjøtt frå krabbe var kadmiumkonsentrasjonane relativt låge. I brunmat frå krabbe låg nivåa innanfor det som er funne tidligare andre stader langs norskekysten. Inst i Årdalsfjorden var det òg høge nivå av PAH i brunmaten.
- Kven utførte oppdraget?
NIFES
- Les rapporten
- Fremmedstoffer i villfisk 2016 - sjømat fra Årdalsfjorden