Førekomst av bakterien Campylobacter spp. i slaktekylling 2024
I 2024 testa 70 av 2071 flokkar av slaktekylling positivt for bakterien Campylobacter spp. Det utgjer 3,4% av alle flokkar slakta i perioden mai til oktober. Det er det lågaste resultatet i Noreg sidan 2009. Jamført med andre europeiske land har Noreg låg førekomst av bakterien.
I perioden mai til oktober kvart år blir alle slaktekyllingflokkar med maksimal slaktealder på 50 dagar, testa for bakterien Campylobacter spp. Positive flokkar blir etter slakting varmebehandla eller frose ned i 3 veker, for å redusere risikoen for at menneske skal smittast med campylobacteriose når dei handterer fersk fjørfekjøt på kjøkkenet.
- Kva blei undersøkt?
Blindtarmtømming frå slaktekyllingflokkar. Prøven blir teken ut av produsenten på garden. Totalt er det tatt ut 2071 prøver frå 495 gardar.
- Tidsrom
- 1. mai til 31. oktober 2024.
- Kva leita vi etter?
Bakterien Campylobacter spp.
- Kva fann vi?
70 av 2071 flokkar (3,4 %) var positive for bakterien.
- Kven utførte oppdraget?
Slaktekyllingprodusentane, Veterinærinstituttet og Mattilsynet.
- Fil
- Overvåknings- og kartleggingsprogram Campylobacter spp. i slaktekylling 2024 (2)