Mattilsynets hovudprioriteringar for plantehelse i 2025

Verksemder som importerer planter og andre smitteførande varer har krav om internkontroll og kompetanse

Importørens ansvar er avgjerande for å hindre introduksjon av planteskadegjerarar gjennom planteimport.

Tidlegare tilsyn har avdekt avvik, og Mattilsynet prioriterer derfor revisjon av utvalde importørar i år.

Kvifor prioriterer Mattilsynet dette i 2025?

Import av planter og andre smitteførande varer kan introdusere nye og alvorlege planteskadegjerarar til Noreg. For å redusere risikoen, må planteimportøren ha effektive tiltak i sin internkontroll. Tidlegare tilsyn har avdekt fleire avvik, og Mattilsynet vil derfor fokusere på dette i 2025.

Kva krav har verksemda?

Importørar må ha eit fungerande internkontrollsystem iht til krava i plantehelseforskriften, og sikre at alle involverte har nødvendig kompetanse.

Korleis planlegg Mattilsynet å jobbe med dette?

Mattilsynet vil revidere nokre av dei største planteimportørane med varsla og avtalte revisjonar.

Kva betyr dette for deg og di verksemd?

Dei største planteimportørane kan forvente revisjonar med fokus på internkontroll (plantehelse) og kompetanse.

Planter skal ved import vera frie for planteskadegjerarar og følgde av eit plantesunnheitssertifikat

Mattilsynet vil i 2025 prioritere import av planter gjennom risikobasert kontroll av dokument og vareparti og tilsyn med importørens mottakskontroll. 

Importørane skal gjennomføre mottakskontroll.

Kvifor prioriterer Mattilsynet dette i 2025?

Mattilsynet treng innsikt i plantehelsestatusen for importerte varer med høg plantehelserisiko. Inspeksjonar har avdekt avvik i plantesunnheitssertifikata og manglar i importørane sin mottakskontroll.

Kva er eit plantesunnheitssertifikat?

Eit offisielt dokument frå eksportlandet som stadfester at plantematerialet oppfyller plantehelsekrava til mottakarlandet. Alle planter skal ved import følgjast av eit plantesunnheitssertifikat. Importør skal kontrollere opplysningane på sertifikatet ved mottak.

Korleis planlegg Mattilsynet å arbeide med dette?

Mattilsynet vil gjennomføre digitale dokumentkontrollar og fysisk tilsyn med vareparti, samt sjå på importørens mottakskontroll.

Kva betyr dette for deg og di verksemd?

Planteimportørane kan forvente dokumentkontroll, varepartikontroll og tilsyn med mottakskontrollen frå Mattilsynet.

Treemballasje på importerte varer må vere barkfri og ISPM 15-merka

Treemballasje (med nokre unntak) brukt i internasjonal handel må oppfylle ISPM nr. 15 standarden for å hindre spreiing av planteskadegjerarar.

Importørar må sikre korrekt behandling og merking. 

Sjå fakta om treemballasje som følger med importerte varer for informasjon om unntaka.

Kvifor prioriterer Mattilsynet dette i 2025?

Mattilsynet vil saman med Tolletaten prioriterer kontroll av treemballasje i import for å hindre spreiing av skadegjerarar med trevirke. Aksjonen styrker samarbeidet mellom Tolletaten og Mattilsynet og aukar merksemda om plantehelserisikoen ved treemballasje som følgjer varer ved import.  

Kva er ISPM 15?  

Ein standard frå IPPC (den internasjonale plantevernkonvensjonen) som krev at treemballasje i internasjonal handel skal vere fri for bark, behandla og merka med godkjenningsstempel for å hindre spreiing av planteskadegjerarar.

Korleis planlegg Mattilsynet å jobbe med dette?

Mattilsynet og Tolletaten vil gjennomføre risikobaserte, fysiske kontrollar av vareimport med treemballasje.

Kva betyr dette for deg og di verksemd?

Importør av varer med treemballasje kan forvente at Mattilsynet og Tolletaten i visse periodar gjennomføre fysisk kontroll ved innførsel av varene.

Planteprodusentar må følgje regelverkskrav for produksjon og dokumentasjon for å hindre spreiing av skadegjerarar

Mattilsynet prioriterer i 2025 tilsyn med produsentar av setteløk og skogsplanter.

Denne prioriteringa er forankra i behovet i å sikre at næringa forstår og etterlever regelverket, og for å identifisere behov for eventuell vidare oppfølging.

Kvifor prioriterer Mattilsynet dette i 2025?

Friske plantar som innsatsvare i vidare produksjon, er avgjerande for å sikre god plantehelse i Noreg. I år fokuserer Mattilsynet på produsentar av skogsplanter og setteløk. Det er lenge sidan Mattilsynet sist var på tilsyn hjå desse næringane. Begge næringane eksporterer også noko av produksjonen sin.

Kva er krava til ein planteprodusent i plantehelseforskriften? 

Planteprodusentar skal vere registrert hos Mattilsynet, ha internkontroll for plantehelse, gjennomføre kontrollar i produksjonen, dokumentere aktivitetane sine, og ha nødvendig kompetanse. 

Korleis planlegg Mattilsynet å jobbe med dette?

Mattilsynet vil gjennomføre kontrollar hjå eit utval av dei som produserer setteløk og skogplanter. 

Kva betyr dette for deg og di verksemd?

Setteløk- og skogplanteprodusentar kan forvente tilsyn med fokus på internkontroll og kompetanse.