Kontroll av økologiske verksemder
Kontrollsystemet for økologisk produksjon skal sikre etterleving av regelverket i alle ledd og tillit til at reglane blir følgde.
Mattilsynet har det overordna ansvaret for regelverket knytt til produksjon, foredling, lagring, import og omsetjing av økologiske landbruksprodukt og næringsmiddel i Noreg.
Mattilsynet har delegert ansvaret for å føre tilsyn med etterlevinga av økologiregelverket til Debio.
Slik gjer de
Viss de produserer eller omset økologiske landbruksprodukt, akvakulturprodukt eller omarbeidde produkt til næringsmiddel eller fôr, treng de ei sertifisering og økologisk godkjenning frå Debio. Når sertifiseringa er på plass, vil alle økologiske verksemder bli kontrollerte årleg av Debio.
De kan rette førespurnader og søknader om økologisk produksjon og økologiske produkt til Debio. Debio vidareformidlar førespurnader til Mattilsynet dersom Mattilsynet er rette mottakar.
Meir informasjon
- Debio sine lister over godkjende økologiske verksemder (debio.no)
- Skjema for søknader om løyve (debio.no)
- Rettleiar for avviksregistrering og handtering (debio.no) Sjå "Avvikskatalogen"
- Traces (europa.eu) gir ei oversikt over økologiske verksemder med godkjende aktivitetar i Noreg, EU-land og tredjeland (økologisertifikat).