Auka opptak av terapeutiske nanopartiklar i kreftvev

Me vil manipulera blodkarbarriera og trykk i tumorvev for å auka opptak av terapeutiske nanopartiklar. Mus vil verta transplanterte med subkutane syngene mamma-tumorar, og me vil behandla musene med ulike legemiddel for å opna endotelet, og for å senka trykket i tumorvev. Med dette vil det vera mogeleg å auka opptak av terapeutiske nanopartiklar i tumoren, og vonaleg betra den terapeutiske effekten.
Nanopartiklane me nyttar er biologisk nedbrytbare, og er bygde opp av biokompatible byggesteinar som vert skilde ut i urin. Alle materiala er godkjende av FDA for bruk i human medisin.