Velferd for dyr i konkurransar
Du som trenar dyr og bruker dei i konkurransar, skal behandle dyra godt og verne dei mot unødvendige belastingar i samband med aktiviteten.
Ansvaret kviler først og fremst på deg som trenar dyra og deltear med dyra i konkurransar. Men arrangørar og behandlarar skal også bidra til dyrevelferda. Det gjeld mellom anna reglar om at dyra
- er i stand til å gjennomføre aktiviteten utan å bli utmatta eller skadd
- ikkje blir dopa
- ikkje blir påført frykt, skade eller unødvendige belastingar
- ikkje blir trena til eller blir brukt i kampar mot andre dyr eller mot menneske
Dyrevelferdskontrollør og stemneveterinær
Arrangørane skal utnemne dyrevelferdskontrollørar og stemneveterinærar til å føre kontroll med dyrevelferda i konkurransar for hest og hund.
Kravet om stemneveterinær gjeld berre i såkalla høgintensive konkurransar. Kva konkurransar det er, står i forskrift om velferd for hest og hund i konkurransar § 3, sjå under "Regelverk".