Sjå status for førekomsten av MRSA og les kva Mattilsynet gjer for å få bukt med sjukdommen hos norske husdyr.
Det er lite førekomst av LA-MRSA i Noreg. Bakterien blei først påvist hos norske husdyr i 2011, på eit slakteri. Den første påvisinga i ei norsk svinebesetning skjedde i 2013
Mattilsynet har som mål å halde denne bakterien borte frå norske svinebesetningar. I samarbeid med Veterinærinstituttet har Mattilsynet årlege kartleggingsprogram som undersøker førekomsten av denne bakterien.
LA-MRSA er ikkje spesielt sjukdomsframkallande hos dyr, og skil seg ikkje frå andre gule stafylokokkar når det gjeld evne til å forårsake sjukdom hos griser.
Smitta griser er for det meste friske, men bakterien kan spreiast til andre dyr og til menneske. Gule stafylokokkar blir av og til påviste i samband med sår- og leddinfeksjonar hos gris.
Bakterien LA-MRSA kan vekse på slimhinnene hos friske griser, og smitte mellom dyra, frå dyr til menneske, frå menneske til dyr og mellom menneske.
Bakterien har stor evne til å halde seg i miljøet i dyrebesetningar og kan også spreiast via støvpartiklar og gjødsel, og mellom dyrebesetningar via transportmiddel. Utstyr brukt i svineoppdrett kan også fungere som eit reservoar for bakterien.
LA-MRSA kan smitte både til andre produksjonsdyr (fjørfe, storfe og småfe) og til familiedyr (hund, katt og hest), men griser blir hovudsakleg rekna som det dyret som spreier smitte til menneske.
Ja, bakterien kan smitte til mennesker.
Les mer om MRSA og LA-MRSA hos mennesker hos Folkehelseinstituttet: Generelt om MRSA (fhi.no)