• The page is not available in English. Go to English homepage

    • Nettbasert kurs for dyrehelsepersonell i rett antibiotikabruk til dyr

    Ta Mattilsynets gratis e-læringskurs for å sette deg inn i eller oppdatere deg på forsvarleg antibiotikabruk. Kurset er obligatorisk for studentar som skal ha mellombels lisens.

    Fagleg gjennomgått
    Vis endring
    1. Teksten er oppdatert

      Teksten er endret som følge av at kurset har blitt videreutviklet.

    Kurset er ein del av Landbruks- og matdepartementets oppfølging av den nasjonale strategien mot antimikrobiell resistens. Det fokuserer på rett og ansvarleg bruk av antimikrobielle legemiddel for å motvirke aukande resistens mot antibiotika hos dyr. Sjølv om Noreg har eit lågt forbruk av antibiotika til dyr, er det framleis viktig å redusere bruken og bruke antibiotika på rett måte.

    Rettleiar om bruk av legemiddel til dyr

    Terapioppfordringar: Bruk av antibakterielle midlar til produksjonsdyr (dmp.no)

    Målgruppe

    Primærmålgruppa for kurset er veterinærstudentar. Ferdigutdanna dyrehelsepersonell kan også dra nytte av kurset for å sikre at kunnskapen deira om antimikrobiell resistens og bruk av antibiotika er i tråd med krava i dyrehelsepersonellova og legemiddellova.

    Både kurset og den følgande testen er obligatoriske for veterinærstudentar som søker om mellombels lisens i samsvar med forskrift om tilgang for vidarekomne veterinærstudentar til å utføre kortvarig assistentteneste (lovdata.no).

    Kursinnhald og tilgang

    Kurset består av fem modular. Dei to første fokuserer på utviklinga av antibiotikaresistens globalt og i Noreg. Dei tre siste modulane tar for seg kliniske kasus om rett antibiotikabehandling av storfe, hund og hest.

    Kurset er tilgjengeleg som e-læring på NMBUs læringssystem Canvas (nmbu.no). Ta kontakt med NMBU viss du treng å opprette ein brukarkonto. Deltakarane må ha norsk personnummer for å kunne gjennomføre kursa på Canvas. Dyrehelsepersonell utan norsk personnummer må kontakte NMBU.

    Etter å ha fullført kursa, må du gjennomføre ein kunnskapstest. Testen måler om du har lukka eventuelle kunnskapshol, og gir deg meir informasjon om gjeldande regelverk for bruk av antimikrobielle legemiddel.